Qaqortumi akiligassaqarfiup immikkoortortaqarfiani (Kreditorafdeling) overassistentinik marlunnik pissarsiorpugut

Aningaasaqarnermut immikkoortortaqarfimmi (Akiligassaqarfiup immikkoortortaqarfiani) 1. februar 2012 aallanerfigalugu imaluunniit isumaqatigiissuteqarnikkut atorfinittussanik marlunnik overassistentinik pissarsiorpugut.

Akiligassaqarfimmi immikkoortortaqarfik Qaqortumi naatsorsuuseriviup ataaniippoq. Aningaasaqarnermut immikkoortortaqarfimmiipput, Akiligassaqarfimmi immikkoortortaqarfik (Kreditorafdeling), Akiliisitsiniartarnermut immikkoortortaqarfik (Debitorafdeling), Naatsorsuuseriffik taamatuttaaq naatsorsuuserinermut immikkoortortaqarfik.

Akiligassaqarfimmi naatsorsuuserivimmi Qaqortumiittumi atorfiit pingasuupput. Akiligassaqarfimmilu immikkoortortaqarfimmi (Kreditorafdeling) ataasiinnaq sulisorineqarmat allanik marlunnik sulisussarsiorpugut.

Suliassat pingaarnerit makkuupput: Pisiortorfinneersunik aamma Nunatta avataaneersunik akiligassanik takkuttunik tamanik nalunaarsuinerit. Ingerlatsivinnut akiligassanik uppernarsagassanik/innersuussassanik misissugassanillu qarasaasiaq atorlugu nassiussuinerit. Aningaaserivik aqqutigalugu inuussutissarsiutinik ingerlatsivinnut akiliioraanissamut piareersarnerit naatsorsuuserinerillu kingornalu akiligassaqarfiit kontuinik naligiissaarinerit. Kommunimi inuussutissarsiornikkut atuisut nalunaarsorsimaffiinik nutarterinerit. Taamatuttaaq pisortatigoortumik akiliisitsiniartarnerit pillugit akiliisitsiniartarfinnut nalunaarusiortartussanik suleqatigiisitaqarpoq. Kiisalu naatsorsuuserivimmit suliassanik allanik takkuttoqarsinnaavoq. Nalunaarsuinerit naatsorsuuserinerillu Winformatikmodulit, regneark/tekstbehandling Excel aamma Words til Windows 97 atorlugit ingerlanneqartassapput.

Atorfimmi pineqartumi naatsorsuutigaarput uku piginnaasaqarfineqartut:
- Marluinnik oqaaseqartoq
- Niuernermik allaffimmiutullu ilinniagalik naatsorsuuserinermullu tunngasunik suliaqarsinnaasoq
- Qarasaasiamik atuilluarsinnaasoq
- Misilittagalik, isumagissoq akisussaassuseqartorlu
- Nammineersinnaasoq, peqqissaartoq suliassanillu peqqissaarluni naammassinnissinnaasoq
- Sungiussiallunilu suleqatikkuminartoq
- Pisariaqartitsineq naapertorlugu suliassanik nutaanik tigusinissamut piumassuseqartoq

Qinnuteqartoq naatsorsuuserinermi atuagarsorsimanermi saniatigut qulaani atorfimmi pineqartumi piginnaasanik misilittagalittut allagartalik piumaneqarpoq. Piumasaqaatit pineqartut naammassisimagukkit, suliassanut aaqqissuussinermut ingerlatsinermullu kommunimi atorfimmik immikkoortortaqarfimmi najoruminartumi sunniuteqaqataalluarnissamut neqeroorfigisinnaavatsigit.

Immikkoortortaqarfimmi sulisut akornanni feeriartoqartillugu, napparsimasoqartillugu allatigulluunniit sulinngitsoortoqartillugu peqanngitsut suliassaannik tigusilaartarsinnaaneq pingaartinneqaqaaq.

Overassistentitut atorfininnermi akissarsiat atorfininnermilu atugassarititaasut isumaqatigiissut Naalakkersuisut, amma Sulinermik Inuussutissarsiuteqartut Kattuffiata akornanni niuernermi allaffinnilu sulisut pillugit atuutsinneqassapput.

Atorfinnut atatillugu inissaqartitsisoqanngilaq.

Atorfimmut atatillugu Aningaasaqarnermut pisortaq Kim Rosendahl oqarasuaammut 64 53 30 imaluunniit immikkoortortaqarfimmi pisortaq Pia Lund 64 53 31 sianerfiginerisigut sukumiisumik paasiniaasoqarsinnaavoq.

Qinnuteqaat ilinniagaqarsimanermut uppernarsaatip assilinera siornatigullu suliffigisimasat il.il. kingusinnerpaamik 20. januar 2012 kommunemut nassiutereeqquneqarput uungalu nassiunneqassallutik:

Kommune Kujalleq
Sulisoqarnermut Allaffik
Postboks 514
3920 Qaqortoq

Qinnuteqaat aamma fax-ikut nassiunneqarsinnaavoq uunga: 70 41 77 imaluunniit kommunip
mail-ianut: kommune@kujalleq.gl.