Qaqortumi Ilaqutariinnut Sullissivik ilaqutariinnut siunnersortissarsiorpoq

Perorsaasutut, isumaginninnermi siunnersortitut assigisaattulluunniit ilinniarsimavit inuiaqatigiillu kalaallit soqutigisaraagit? Ilaqutariinut sullissivik timitaleeqqataaffigerusuppiuk? Inuit ajunngitsumik inuuneqalernissaannut ikiorusuppigit?

Apeqqutit taakku angersinnaagukkit - taava Kommune Kujalliup ilaqutariinnut siunnersortitut atorfimmut qinnuteqarniarit pissaganartunik nammineersinnaassusilinnullu ilaqutariinnut siunnersuisoqarfimmi suliassaateqarpugut.

Atorfik 1. februar 2012 imaluunniit isumaqatigiissuteqarnikkut inuttalerniarneqarpoq.

Isumaginnittoqarfimmi meeqqanut/inuusuttuaqqanullu- ilaqutariinullu suleqatigiit aammalu sullissivittut inissisimaligassanni Ilaqutariinut sullissivimmi sulisut sinneri peqatigalugit suliffik imartooq pissanganartorlu neqeroorutigisinnaavarput.

Ilaqutariinnut siunnersortitut ilaatigut:
- Ilaqutariinnut Sulissivillu suleqatigiillusi (ajornanngippat sullissisuusorlu) ilaqutariinnut suliassanut
  pilersaarusiorlusi malinnaaffigalugillu, aammalu pulaartarlugit ajornartorsiutaat
  paasiniariartortarnerisigut
- ilaqutariittut ajornartorsiutiminnik namminneq aaqqiinissaannut sakkusalernerisigut
- Ilaqutariit peqatigalugit "pisortanut" ataatsimeeqateqartassaatit
- Iliuusissaattut pilersaarut naapertorlugu ilaqutariit suliffigineqarnerat pillugu nalunaarusiortarlutit
- Ilaatigut angalaarlutik pinaveersaartitsisut/pinaveersaartitsisut suleqatigalugit ilaqutariit
  suliaqarlutik angalaartinneqarnerinik aaqqissuisarlutit aamma/imaluunniit peqataasarlutit
- Ikorfartoqatigiinnik pilersitsinermut peqataasassalluni attaveqaataasassallunilu
- Ilaqutariinnut Sullissivimmi sulisut suleqatigalugit ataasiakkaanik eqimattakkuutaanillu
  oqaloqatiginnittarnerit
- Ilaqutariinut Sullissivimmi pikkorissartitsinermi ilinniartitsisuusarneq
- Ilaqutariinut Sullissivimmi suliniuteqarnermi sammisassaqartitsinermilu suleqataasarneq
- Nunaqarfinnut angalanissanut atatillugu pilersaarusiortarneq angalaqataasarnerlu

Takorloorparput ilaqutariinnik sullissineq misilittagaqarfigigit, aammalu inuusutit ajunngitsumik isumalik inunnut allanut ataqqinnittoq - aamma inunnut inuuniarnerminni ajornartorsioraluartunulluunniit. Meeraq qitiutissavat, kisiannili ilaqutariit sinneri puigussanagit. Ammasumik attaveqarnermut pisinnaalluassaatit, aammalu allat persuarsiortumik persuarsiunngitsumillu peqatigisinnaassallugit. Aporfissat pinnagit periarfissanut tappittuussaatit.

Marlunnik oqaaseqartuunissat, kalaallisut qallunaattullu, annertuumik iluaqutaasaaq,taamaattorli piumasaqaataanngilaq.

Kommunip pinerlussimannginnermut uppernarsaammik pinerluuteqarsimasunilluunniit nalunaarsuiffimmiit naqitamik meeqqanut inuusuttuaqqanullu sullissiniartunut kommunip iluani atorfinitsittisoqartillugu piumasarineqartarpoq.

Atorfinitsitsisoqassaaq akissarsiaqartitsisoqarlunilu isumaqatigiissutit atuuttut napertorlugit.

Atorfimmut atasumik inissaqartitsisoqarsinnaavoq, malittarisassat qaqugukkulluunniit atuuttut malillugit sillimatinut, ineqarnermut allanullu akiliuteqarfiusartussamik.

Atorfik pillugu paasisaqarnerorusukkuit saaffigikkit Ilaqutariinermi sullissivimmi pisortaq
Cecile Jeremiassen-imut, e-mail: ceje@kujalleq.gl, imaluunniit inunnik isumaginninnermi pisortaq Mikkel Balle-imut, oqarasuaat 64 53 72 imal. aamma uunga e-mail: miba@kujalleq.gl.

Ilinniagarisimasat suliffigisimasallu pillugit paasissutissat, ilinniarnermut uppernarsaatinik, sulisitsisup oqaaseqataanik allanillu ilallugit kommumit kingusinnerpaamik 20. januar 2012 tiguneqareersimassaaq uungalu nassiunneqassalluni:

Kommune Kujalleq
Sulisoqarnermut Allaffik
Postboks 514
3920 Qaqortoq

Qinnuteqaat aamma fax-ikut nassiunneqarsinnaavoq uunga: 70 41 77 imaluunniit kommunip
mail-ianut: kommune@kujalleq.gl.