SAQQUMMIUTEQQITAQ: Narsami isumaginninnermi siunnersortit aqutsisussaanik pissarsiorput

Isumaginnermut Ingerlatsiviup Narsami aqutsisoqarfia sulisussarsiorpoq isumaginninnermut siunnersortit aqutsisussaannik 1. februar 2012 iml. isumaqatigiissuteqarnikkut sulilersussamik.

Isumaginninnermi siunnersortit aqutsisuattut Ingerlatsivimmi isumaginninnikkut ulluinnarni sulineq aqutsisuuffigissavat. Tamatuma saniatigut peqataaffigissavatit assigiinngitsunik tunuliaqutallit suleqatigiiffiat "Reva-gruppen", isumaginninnermi ineqartitassanik tulleriaarisartut.

Atorfik suliassallu nassuiaataat pissarsiarineqarsinnaapput Isumaginninnermi pisortaq Mikkel Balle, mail: miba@kujalleq.gl aamma suliassaqarfimmut pisortaq Kiista P. Isaksen mail: kiis@kujalleq.gl,
oq. 70 41 00 imaluunniit kommunip qarsaasiakkut allattarfia: kommune@kujalleq.gl saaffigalugit.

Takorloorparput:
- Isumaginninnermut siunnersortitut ilinniagaqarsimasuunissat ukiuni pingasuni isumaginninnermit
  siunnersortitut misilittagalik, sapinngisamik Nunatsinni kommunit ilaanni,
- Aqutserusussuseqaasasutit, pisortatut misilittagalik, aamma/iml. pisortatut ilinniarsimasuussasutit,
- Marluinnik oqaaseqassasutit - kalaallisut/danskisullu - marluinnik oqaasilik qinnuteqartoq
  piumaneqarnerussaaq.

Inuttut isumagissuuvutit, suliniartuullutit, sullissiumatuullutit aammalu namminersorsinnaallutit. Aaqqissukkamik torersumillu suleriaaseqarputit. Allanut ataqqinninnerup pingaassusia paasisimassavat aammalu attaveqarnermut pikkorissuusaatit, minnerunngitsumillu tusaaniallaqqissuussallutit. Pissutsit ilungersunarsigaluaraangataluunniit uippalliuitsuusallutit. Ingerlatsivimmi suleqatigiiffiusumi qiimasaarfiusumilu sulineq nuannarissavat. Inuit ajornartorsiutaanik aaqqiiniarnissamut tunniussimasuussaatit, inuiaqatigiillu avatangiisigisatit akulerussimaffigilluassallugit.

Isumaqatigiissutit atuuttut naapertorlugit atorfeqartitsisoqarlunilu akissarsiaqartitsisoqassaaq.

Atorfininnermut atatillugu malittarisassat atuuttut malillugit inissaqartitsisoqarsinnaavoq. Taamatuttaaq angalanermut nuunnermullu aningaasartuutit kommunimit malittarisassat qaqugukkulluunniit atuuttut malillugit akilerneqassapput.

Qinnuteqaat siusinnerusukkut suliffigisimasanik, kiisalu ilinniakkanut uppernarsaatinik, akuersissummik allanillu ilalik kingusinnerpaamik 28. december 2011 kommunimit tiguneqareersimassaaq uungalu nassiunneqassalluni:

Kommune Kujalleq
Sulisoqarnermut Allaffik
Postboks 37
3921 Narsaq

Qinnuteqaat aamma fax-ikut nassiunneqarsinnaavoq, uunga: 66 11 77 imal. kommunip mail-ianut: kommune@kujalleq.gl.