SAQQUMMIUTEQQITAQ: Psykologinik marlunnik, Qaqortumi Ilaqutariinnik Sullissivimmi kiisalu Narsami sulisussanik, imaluunniit Qaqortumi marluusussanik Isumaginnittoqarfik suliussarsiorpoq

Psykologitut ilinniarsimavit? Nukituuit, isumagissuuit suliumatuullutillu? Kommune Kujallermi - annermik Qaqortumi - meeqqat inuusuttuaqqallu ilaqutaallu suliffigissallugit sapiissuteqarpit?

Taamaappat soqutiginartumik pikkunartumillu suliffissaqartippatsigit, atorfinitsitsinerlu pissaaq
1. marts 2012, imaluunniit piaartumik tamatuma kingorna.

Atorfiup aappaa Qaqortumi Ilaqutariinnik sullissivimmiippoq aappaa Narsami Multicenterimiilluni, sullissiviullu aqutsisua qullersarineqassalluni. Ilaqutariinnik Sullissivimmi siunnersortit ikiuisartullu allat suliat pillugit oqaloqatigisarsinnaavatit. Aammattaaq PPR-imi imaluunniit ulloq unnuarlu paaqqinniffinni psykologiusut attavigisarsinnaassavatit. Aamma psykologit Narsami Nanortalimmi atorfeqartut suleqatigilissavatit. Illoqarfinni taakkunani psykologeqarneq apeqqutaalluni illoqarfinnut sanilerisanut angalasarnissat naatsorsuutigissavat.

Kommunit kattunnerannut ilanngullugu Kommune Kujalleq illoqarfinni pingasuni sullissinerminik assigiissaarileruttorpoq. Assigissaarineq taanna aamma meeqqanut, inuusuttunut ilaqutariinnullu sammitinneqarpoq taamaammat suliffiup aaqqissugaanerani iluarsaasoqartarsinnaavoq, soorlu ilaqutariinnik sullissiviit aammalu inunnik sullissisut/isumaginnittoqarfiit akornanni suleqatigiinneq eqqarsaatigalugu. Suliffeqarfiup aaqqissugaanera qanorluunniit inissinneqassagaluarpat psykologitaarput kommunip meeqqanut, inuusuttunut ilaqutariinnullu suliariniarnerani pingaaruteqartumi pingaaruteqartumik inissisimassaaq.

Ilaqutariinnik Sullissivik / Multicenteri kiisalu isumaginnittoqarfimmi sulisut allat peqatigalugit suliassatit tassaapput:
- meeqqat, inuusuttuaqqat ilaqutaasalu sullinneqarnerat aaqqissuutissallugu sullissinernillu nutaanik
  ineriartortitsissallutit
- suliassat ataasiakkaat aammalu eqimattakkuutaat eqqarsaatigalugit katsorsaanermut
   pilersaarusiussallutit ingerlatissallugillu
- sulisut ilaqutaallu pikkorissaanernik tulluartunik neqeroorfigissallugit pikkorissassallugillu
- atuarfik isumaginnittoqarfimmilu sullissisut suleqatigissallugit
- ajutoornermut upalungaarsimasut peqataaffigissallugit, tamatumunnga ilanngullugu immikkut
  pisoqarnerani ikiorsiisassallutit
- ilaqutariinnik paarsisartunik isumaginnittoqarfiullu sulisuinik oqilisaassisassallutit

Marluinnik, kalaallisut qallunaatullu, oqaaseqartuuguit iluaqutaalluinnassaaq.

Naalakkersuisut kiisalu Dansk Psykologforeningip isumaqatigiissutaat naapertorlugit nalinginnaasumik akissarsiaqartitsisoqassaaq atorfeqartitsisoqassallunilu.

Atorfimmut atasumik inissaqartitsisoqarsinnaavoq malittarisassat atuuttut malillugit sillimmatinut ineqarnermullu akiliuteqarfigineqartartussamik. Angalanermut nuunnermullu il.il. akiliussisoqassaaq malittarisassat atuuttut naapertorlugit - ukiullu minnerpaamik pingasut atorfeqareernermi soraarnermut atatillugu angalanermut pequtillu assartorneqarnerannut malittarisassat atuuttut naapertorlugit akiliussisoqartassalluni.

Atorfik pillugu paasissutissat sukumiinerusut ukunannga pissarsiarineqarsinnaapput: Isumaginninnittoqarfimmi pisortaq Mikkel Balle, oqarasuaat +299 70 41 00, imaluunniit mailimut uunga: miba@kujalleq.gl, imaluunniit Qaqortumi Ilaqutariinnik Sullissivimmi pisortamut
Cecile Jeremiassen, oqarasuaat +299 70 41 00 lokal nr. 5385, imaluunniit mailimut uunga: ceje@kujalleq.gl saaffiginninnikkut.

Kikkulluunniit kommunimi meeqqanik inuusuttunillu sullissisussat pineqaatissinneqarsimaneq pillugu paasissutissanik aamma/imaluunniit Pinerluuteqarsimasunik nalunaarsuiffimmiit uppernarsaatinik tunniussaqarnissaat kommunip kissaatigisarpaa. Qinnuteqaat ilinniagarisimasanik suliffigisimasanillu paasissutissartalik kiisalu ilinniagarisimasanik uppernarsaammik, sulisitsisumit oqaaseqaammik allanillu ilalik kommunimit tiguneqareersimassaaq kingusinnerpaamik 31. januar 2012, uungalu nassiunneqassalluni:

Kommune Kujalleq
Sulisoqarnermut Allaffik
Postboks 514
3920 Qaqortoq

Qinnuteqaat aamma kommunip mailianut nassiunneqarsinnaavoq uunga: kommune@kujalleq.gl.