Asasakka inuiaqatikka Kalaallit!

Ullumi inuiattut nalliuttorsiornitsinni minnerunngitsumillu Namminersu-lernitsinnik killitsisimaarlunga tulluusimaaqalungalu uummammik pisu-mik pilluaqquassi. Tikilluaritsilu inuiannut Kalaallinut ullup pingaarutil-lip nalliuttorsiutigalugu, aallarnerlugu persuarsiorluta erfalasulernissa-tsinnut.

Ullumi angusarput killiffippullu pillugu inuiaat Kalaallit nuannaarutis-saqarlutalu tanngassimaarutissaqarpugut, inuiaqatigiinnguusugummi ukiorpassuit Qallunaat Nunaata ataani inissisimalluta ingerlasimasugut ukiullu 30-t matuma siornatigut Namminersornerulersimasugut maanna tassa Namminersulerpugut.

Inuiaat nunarsuarmi sumiluunniit inuusut tamanna pingaartitaralugu anguniagarisarpaat, matumanilu nunami maani qangaaniilli inuuffigisa-mi piginnittutut namminerlu oqartussatut akisussaasutullu inissisima-nissaq kiffaanngissuseqarnissarlu anguniarsimavarput, uffali nunarsu-up ilaani inuiaat allaat sakkulersorlutik sorsunnermik atuillutik maanna angusatsitut kiffaanngissuseqalerniartartut, uagulli maanna qujanartu-mik Qallunaat Naalagaaffiat paasinnittoq suleqatigilluarlugu tamas-suminnga angusivugut nuannaarutigisariaqakkatsinnik.

Eqqaamassavarpulli angusatta tassalu Namminersulernitta aamma inui-aasugut imaannaanngitsunik naammassiniagassatsinnik pisussaaffiler-matigut, tassalu akisussaassusermik sulisariaqarnermillu imaqartumik.

Namminersulernerput iluatsissappat siunissamilu aamma namminiilivin-nermik kinguneqassappat inuiaasugut tamatta akisussaaqatigiilluta pif-fissani aggersuni suleqatigiilluarlutalu nunarput inuilu ineriartorteqqitta-riaqarpavut, tassa qinikkat innuttaasusilu eqeersimaarluta tunniusimal-lutalu sulisariaqarpugut, tamattami immitsinnut pisariaqartikkatta. Inuiattut akuerisaanitta ersiutissaasa ilagaat, ullumimiit aamma Kalaalli-sut oqaatsigut nunatsinni oqaatsitut pingaarnertut inissisimalermata, ta-matuminngattaaq pilluarta, tassa ullumimiit oqaatsitta tamanit ataqqine-qarlutik pingaarnertut atorneqalernissaat tamanit malinneqartariaqartu-mik inatsisitigut periarfissarsiuunneqarpoq.

Taamatut angusaqarnerput inuiattut annertuumik tanngassimaarutissa-raarput, siulianimi taasattut inuiannguusugut ukiuni kingullerni 30-ni ineriartorsimavugut nunarsuarmioqatitsinnit annertuumik usorsisimaa-rutissatsinnik malinnaaffigineqarluta, inuiaammi allat uatsitut inissisi-masut ullumi angusatsinnik killiffitsinnillu annertuumik maligassiuviffi-gaavut. Ukiut kingulliit 30-it ineriartornitsinni kikkut tamat oqartussaaqataallutik ingerlasimanerat tunngaviuvoq inuiattut annerusumik akisussaaffimmik oqartussaaffeqarnermillu tiguserusussusermut killiffeqalersimanitsin-nut, tassunga unissanngilagut! Piumassuseqarluta sulerusussuseqar-lutalu namminerisatsinnik naalagaaffeqalernissatta tungaanut ingerlaq-qissaagut.

Ilisimavarput tamatta ataatsimuussuseqarluta piumassuseqarluarlutalu ullumi killiffipput tikikkipput, taamaattumik inuiaqatigiit kalaallit tamassi qujanaq.

Oqaatigeriikkattut Namminersulernerput tamatsinnut annertuumik pi-sussaaffiliivoq akisussaassusilimmik nangaanata tigusariaqakkatsin-nik, tassa siulersuatta ileqqorisimasaat allanik isumalluuteqaratik inuu-simanerat uumaniarsimanerallu assigalugu inuulluta, nunarput sutigut tamatigut pilissuaq atorluarlugu inuulluta, minnerunngitsumillu tunnius-sassarpassui uumasut uumaatsullu atorluarlugit ineriartorluta.

Ineriartorneq tamatigoortoq inuiaqatigiinnut Kalaallinut siunniussaqar-fiullunilu inerititaqarfiulluartoq pilersissagutsigu pingaaruteqarluinnas-saaq inuiaqatigiit meerartaasa inuusuttaasalu periarfissaqarluarlutik ineriartortinnissaat, tassanilu qinigaasugut, angajoqqaat minnerunngi-tsumillu inuiaqatigiit tamatta tamanna ajunnginnerpaamik qulakkeeru-mallugu akisussaasuseqarluta pilersaarusiortariaqarpugut.

Kalaallit inuiaasugut ullumikkut nunarsuarmiuqataalluta inuunerput misigisimanerpullu siunissami suli inuiannut pissarsiaqaataanerulersil-lugu inerisarsartuassavarput.

Inuiaqatigiit Kalaallit tusaamasaassutigaarput nunaqaratta peqqarniis-sinnaasaqisumik ukiorpassuit ineriartorfigalugu ulloq manna tikitser-lugu inuuniarfigisimasatsinnik. Siulitta upperisimavaat ineriartorfigalu-gu inuuffigineqarsinnaasoq. Inuiaat Kalaallit tatigeqatigiilluta ikorfar-toqatigiillutalu ingerlaqqitta, ineriartoqqitta, tamanna anersaaq pigalugu neriuuteqarluta!

Naggataagut puigunaatsumik ullortunersiorluarnissassinnik kissaateq-qissavassi.

Asannittumik

Simon Simonsen
Borgmester